Hum se hai Yeh soch

Nanhe munne bachhe hum,
Desh ka Sundar bhavishye hum.
Hum rakhte desh ko Swachh,
Hum se hote sabhi sapne Sach.
Aasmaan ki oochaiyo mein hum,
Samundar ki ghehraayiyo mein hum.
Seema pe tainaat hum,
Kheto mein lehraate hum.
Gulzaar ki kalam mein hum,
Kalaam ke prayogo mein hum.
Computer ki lab mein hum,
Har imaarat ki neev mein hum.
Har shlok mein hum, har pad mein hum,
Har ardaas mein hum, har azaan mein hum.
Hum se achha hum se sachha to keval rabb hai,
Humse Hi to umeedo ka kal, aaj Aur abb hai.